想同大家講少少嘢，麻煩阻你地用一分鐘時間聽我講啲嘢
闊別書展三年，我終於都可以重返書展喇！
而今年亦都係我喺網絡寫故仔嘅第十年，所以好想出一本書去紀念我呢個十年
十年......對我嚟講真係好難相信已經過咗十年
當年我仲係讀緊中七寫第一個故事，如今已經變咗一個就三張嘅人
而當年睇開我嘅讀者都已經由學生變咗做人阿爸阿媽
呢種改變，我真心覺得好奇妙
就好似大家見證大家一齊成長咁
我望住我以往寫過嘅故事 (本書入面有List)
我真係好難相信自己寫咗咁多故事出嚟
同時，望住自己產量急劇下趺，我就更加覺得唏噓
我年紀大了，工作亦都開始更忙，心身都唔能夠好似以前咁話寫就寫
所以我都唔知自己仲可以寫到幾多個故仔比大家睇
唯有寫得幾多得幾多，書出得一本得一本
但無論點都好，呢十年，最感激嘅人
就係我班讀者，無你地一直支持，我孔明無呢個十年！
先介紹一下呢本書係講咩先！
呢本書叫《跟蹤》，有我最新寫嘅《結界》故事，內容更加話你知，結界入面究竟係咩一回事
當中出現嘅神秘人物應該能夠令你回憶起好多事情 (記得睇哂《失蹤》先)。
除咗《結界》故事外，亦都收錄咗我過去十年所寫嘅故事
咁當然，我無可能將所有故事都收錄，所以我揀咗十八個故事
呢十八個故事，有懸疑有愛情有親情有友情.......
呢十八個故事，亦都係我好鐘意，覺得好有意思，好好睇嘅故事
我相信無論新舊讀者都好，睇完我呢十八個故事
大概可以了解一下孔明究竟係一個咩人，寫嘅故事點解會吸引到人睇
同樣地！！！
隨書限量附送《結界小冊子》，當你入咗結界時侯！記得拎呢本小冊子出嚟睇呀！
只印咗少量，送完即止!
認真，真心希望你地可以買《跟蹤》支持我
因為我今次係自資出，我都放咗唔少錢落去....
如果無人買，賣唔出，我真係唔知點算好.....
呢家每一日都生活喺賣唔出書嘅恐懼之中.....
所以希望大家真係要支持一下我
好多人都話我做網絡作家一定搵好多錢
但我過去十年......所接嘅廣告真係10隻手指都數得出
唔多唔少因為我成日講政治同立場，嚇走咗好多廣告商
但唔緊要，我唔會因為咁而唔去繼續講
我都會繼續盡我義務同力量，去講我想講嘅嘢，去推動我想推動嘅嘢
另外，好多讀者買書都應該想我簽名同寫啲嘢比佢！！
我想同大家講聲
我大部份整個書展時間，我都會擔當員工，一直會留喺攤位為大家簽書
(如果無人買，我會幫手去收銀.....)
由於我係毒撚關係，唔係好識主動同讀者傾計同怕羞臉紅 (我真係會臉紅)
大家傾計時可以Carry下我......等我無咁緊張
不過如果攤位見唔到我，可能我唔知醒遲到 (晚晚做到好夜)
所以我都會簽定少少書頂住擋先！
可能你會問，點解無得喺書局買到今次本《跟蹤》?
其實過去曾經同出版社有唔愉快嘅經歷，我亦都唔想我本書再出現喺唔想見到嘅「書局」裡面
所以今年決定自資出呢本書，拎返屬於我作者嘅自由度
今次我本書只會，只會，只會喺書展到賣，其他書局絕對唔會買到
同樣地，今次絕不加印同再版，唔係為咗賣書先咁講
我成日都收到讀者問我以前啲書邊到有得賣
我想講已經無得賣，係永遠都無得賣
係因為我賣哂就唔會再印任何書，賣哂就算了
我唔想見到我嘅書好孤獨咁留喺書局等人領養
由於限量版關係
所以每一個讀者買嘅書都係好重要，絕對係手持絕版書籍
從而希望讀者能夠好好珍惜我本書
但由於我資金有限，所以印書印得唔多，賣哂就算了
所以真係限量版嚟架！
唉，其實講咁多嘢，都只係想大家買我本書
講到我都唔知可以講咩好了
本書我自己同設計師編輯一齊做
由我自己揀紙揀Size揀風格
係真真正正屬於我嘅一本書
但六月我真係估唔到社會會發生咁多事
所以我一直處理正職又要處理本書又要處理書展又要擔心賣書
我真心疲倦...但見到本書正式出世，又有另一種安慰。
最最最最後，重點嚟！！！！
大家想唔想同我一齊睇《失蹤》電影??
聽導演講，似乎已經完成咗大部份後期製作
所以，我想上映之後，我可以包場同你地一齊睇呢套電影
雖然我好豪氣話包場，但我窮撚一條，應該只可以包一場......
咁先可以同我一齊睇呢
只要大家喺呢度留言，留咩言都好喇，總之有留言就得
同埋記得買我呢本書！
到時正式上映之後，我就會喺呢個Post抽人同我一齊睇電影！
到時會inbox大家賞唔賞臉同我一齊睇《失蹤》電影.....
記得拎埋《跟蹤》本書嚟當戲飛！
另外，照顧一下嚟緊未能去書展嘅人
如果大家未能去到書展，或者驚我本書好快賣哂 (希望)
大家可以先inbox講聲預訂入數，我會留返本書比你地
等書展完咗之後，我會開始寄返書比大家
而限量版結界手冊，亦都會隨書附送寄出
網上預購買書如下：
【順豐自取站購買】
本書價錢係$98蚊 唔包運費 !O!
- 銀行入數 (inbox我 拎AC !O! 係HSBC嚟)
入咗數後，請將入數紙inbox我，我先可以幫你預訂到，同時講你想我喺你本書到寫咩 =] 比埋順豐站個code我寄就得
- Pay Me （我畀電話號碼你）
入完後，Cap圖通知留底，我先可以幫你預訂到，同時講你想我喺你本書到寫咩 =] 比埋順豐站個code我寄就得
最後，個攤位係Hall 1A-E37！！係Hall 1A-E37！！係Hall 1A-E37！！
書展日期係7月17~23日！係7月17~23日！係7月17~23日！
攤位名稱：洄水文化
睇埋留言，有攤位地圖睇 =] 快啲入嚟結界搵我
有咩問題都可以留言問我!O! 同埋記得比個Like 同Share...<3
《跟蹤》《跟蹤》《跟蹤》《跟蹤》《跟蹤》《跟蹤》
Search